EBI sarea Euskaraldian murgilduko da, azaroaren 20tik abenduaren 4ra bitartean egingo dan euskararen erabilera sustatzeko ekimenean. Elizbarrutiko Ikastetxeetako hezkuntza asmoen adierazpen argia da, zentro gehienen hizkuntza behikularra euskera baita. EBIko ikastola eta ikastetxe asko, hain zuzen ere, euskararen defentsarako sortu ziran.
Oraingo honetan, ikasleek, irakasleek eta, oro har, hezkuntza komunitate osoak hainbat ekintza abian jarri dabez euskara hezkuntza zentrotik haratago hedatzeko, familien eta, oro har, gizartearen artean. Belarriprest (euskara ulertzen dabenentzat) eta ahobizi (euskaraz badakitenentzat) kanpainako bi rolen bitartez adibidez. Helburua, eskola-orduetatik kanpo ikasleen euskeraren erabilera areagotzea da ere.
Euskaraldiaren leloa esaten dauanez, euskeraz gehiago, gehiagorekin eta gehiagotan aritzeko.