Berriak

Caritas Bizkaia eta EBI Elizbarrutiko Ikastetxeak erakundeek lankidetza-hitzarmen bat sinatu dute ‘Bihotzondoz eraturik’ ekimena garatzeko. Ekimen hori gizarte eta karitate dimentsioak garatu eta beren hezkuntza komunitatearen gizarte konpromisoa erakusteko tresna gisa baliatu dute. 

BIHOTZONDOZ ERATURIK Caritas Bizkaiaren ekimena da eta Bihozdun Elkarteak proiektuaren baitan kokatzen da. Helburua zera da: hainbat erakunderen artean lankidetza egonkorrak sortzea, denon artean Bizkaiko gizartean elkartasun balioak eta konpromiso soziala sendotzeko.

EBI Elizbarrutiko Ikastetxeak erakundeak bat egin du BIHOTZONDOZ ERATURIK proiektuarekin. Komunitate parte-hartzailearen eredua zabaldu eta pertsona guztien gizarte eta karitate dimentsioa landu nahi dute.16 ikastetxek osatutako sare honetan 1.000 irakasle eta 10.000 ikasle daude, Caritas Bizkaiak proposatutako ekimen honetan inplikatzeko prest. Hauxe da lortu nahi dena:

• Doakotasunaren eta komunitate-lanaren balioa eskola komunitateko kideen artean sustatzea, eta babesgabetasun egoeran dauden pertsonen aldeko gizarte-lana aurrera eramateko tresna gisa ulertzea.
• Eskola komunitate osoa sentsibilizatzea, ikasgelatik harago dagoen mundua eraldatzeko daukaten gaitasunaren inguruan.
• Ikastetxeek balioetan oinarritutako hezkuntza proiektuak babestea, ekintza-hausnarketa proposamenaren bidez, lurralde osoan justizia sozialaren aldeko eragin positiboa lortzeko.Hezkuntza komunitateak Caritasen lana ezagutu eta babestea, adostutako lankidetza-mota guztiak garatuz.

BIHOTZONDOZ ERATURIK proiektuaren abiapuntua ikastetxeen konpromisoa da. Eragin eremu handiko ekintzak burutzeko asmoa daukate (ikasleak, familiak, irakasleak, zentroko gobernantza, gizarte eta eliza eremua inplikatzen dituena), eta aurrera begirakoa da (parte-hartze maila desberdinekin aurrera egiteko aukera). Horrela, elkartasun eta justizia sozialaren balioak praktikan jarri eta sustatuko dira.