Teknia Bilbao XXI, euskal jatorriko multinazionala eta mugikortasun soluzioetarako osagai metalikoak eta plastikoak egiten dauzan enpresak, ‘Marcelo Gangoiti’ XXVII. saria jaso dau bariku honetan, urtarrilak 26, Somorrostro ikastegian ospatu dan ekitaldian. Somorrostro Ikastegiak antolatzen dau sari banaketa Eusko Jaurlaritza, SPRI, Bizkaiko Foru Aldundia eta CEBEKen laguntzagaz.
Ekitaldian izan dira Elixabete Etxanobe Bizkaiko ahaldun nagusia; Kerman López, Bilboko Elizbarrutiko bikario nagusia; Ana Otadui, Bizkaiko Batzar Nagusien presidentea; Idoia Mendia, Eusko Jaurlaritzaren lehendakariordea; Mikel Amundarain, Industriako sailburuordea, Estibaliz Hernáez, Teknologia, Berrikuntza eta Eraldaketa Digitaleko sailburuordea eta Eduardo Briones, Muskizko alkatea, besteak beste.
Somorrostro Prestakuntza Ikastegiak, Marcelo Gangoiti sariaren bidez, enpresek zonaldearen suspertze ekonomikoaren alde egindako apustua aitortzen dau. Inbertsio sorkuntzaren aldeko apustua, barrikuntza edo gizarte erantzukizuna dira epaimahaiak enpresa irabazleari buruz azpimarratzen dabezan alderdietako batzuk.
Saribanaketan, bikario nagusiak Marcelo Gangoiti abadearen baloreak agerian ipini dauz eta, “EBI sareko ikastetxeek Bizkaiko eskualdeekin daben konpromisoa” azpimarratu du. Gainera, Etxanobek sariaren garrantzia nabarmendu dau, eta “erakundeen arteko lankidetzak” lurraldeko ekonomia sustatzeko dauen garrantzia azpimarratu dau.
Teknia Bilbao Teknia Taldearen lantegietako bat da. Abanto-Zierbenan dauzkan instalazioak 1997an erosi zituzten, eta duela 30 urte baino gehiago Javier Quesada Suescun sortu zuen konpainiaren bigarren solairua izan zen. Bizkaitik Zaldibarren errotu zen. Fabrika txiki bat bezala hasi zena, non 29 pertsonak egiten zuten lan, gaur egun 13 herrialdetan dagoen multinazional bat da, 23 lantegi produktiborekin eta 3.500 pertsona baino gehiagoko lantalde batekin
.
