San Viatorreko Oinarrizko Lanbide Heziketako lau ikaslek Bruselasen esperientzia paregabea bizitzeko aukera izan dabe EUCLASS Alliance proiektuari esker. Proiektu horrek Europako herritartasuna Lanbide Heziketako ikasleengana hurbiltzen dau.

Bost egunez, ikasleek Europako Parlamentua, Europako Historiaren Etxea eta Europar Auzoa bisitatu eben; Europar Batasuneko erakundeek zelan funtzionatzen daben gertutik ezagutu eben.

Bisitaldiez gan, nazioarteko taldeetan lan egin eben, Europaren historiari, Europako herritartasunari eta Lanbide Heziketak kontinentearen etorkizunean izango dauan eginkizunari buruzko gogoeta eginez. Esperientzia horri esker, ideak trukatu eta 6 herrialdetako gazteakaz loturak ezarri ebezan, lankidetza, kulturen arteko alkarrizketa eta Europako gaiei buruzko eztabaidetan parte hartzea sustatuz.

Euclass Alliance Europaren etorkizuna markatuko daben gaietan sormena, ikaskuntza partekatua eta gazteen parte-hartzea sustatzen dauazan proiektu europarra da. San Viatorreko ikasleek aukera hau aprobetxatu eben lagun barriak egiteko eta euren ahotsak Europan be garrantzia dauala jakiteko.