Erandioko Jado ikastetxeak eta patronatuak ospatu dabez eguazten honetan, urriak 30, komunitate maristari agur eta eskerrak emoteko ekitaldiak.
Marista Anaiek kudeatu dabe Jado Ikastetxea azken urteotan, eta ikastetxeak eta patronatuak eguazten honetan, urriak 30, ospatu dabez komunitate maristari agur eta eskerrak emoteko ekitaldiak. Dakizuenez, ikasturte honetan Jado Ikastetxea EBI ikastetxea bihurtu da.
Ekitaldian patronatuko batzordekideek, Maristas Ibericako probintzial Abel Muñozek, ikasle ohiek eta irakasleek parte hartu eben, besteak beste. Horrela, Muñozek Erandioko komunitate maristaren ibilbidea goraipatu eban eta EBI sareak “jasotako herentziaren lan onagaz jarraitu daien” opa eban.
