Irakasleen rol barriak gaur egungo hezkuntzan | Irakaslearen Nazioarteko Eguna

Gaur egungo hezkuntzak dituen erronka ugarien artean, irakasleen rol barria, andereño eta maisuen lana, apustu irmoa da eta eragin erabakigarria du ikasleen hezkuntza prozesuan. Irakaslearen Nazioarteko Egunean, EBIk haien rola –rol berria- aldarrikatu gura du hezkuntza sisteman.  

Izan ere, ez da helburu berria EBI Elizbarrutiko Ikastetxeetan. Elizbarrutiko hezkuntza taldeak urteak daramatza lantzen irakasleek izan behar duten rola, metodologia berrietara egokitzeko eta hezkuntza prozesu hori hobetzeko.

EBI-ko irakasleek argi dute beren egungo zereginak ez duela zerikusirik iraganean egindakoarekin. Orain, eta ulermen proiektuetan oinarritutako ikaskuntzen aldeko apustua egiten duten metodologiekin edo ikaskuntza kooperatiboarekin batera, irakasleak gidari bilakatu dira, beren ikasleen hezkuntza garapenaren bidelagun. Neska-mutilak dira beren ikaskuntzaren protagonistak: informazioa bilatzen dute, zalantzan jartzen dute, hausnartzen eta aztertzen dute eta praktikan jartzen dute, hobeto ulertzeko.

Eta prozesu honetan, andereñoak eta maisuak gidatuko dituzte ikasleak; are gehiago digitalizazioa hezkuntza sistemaren beste ardatzetako bat denean. “Irakasle ona egunero ahalegintzen dena da, eta ikasle bakoitzarentzat zer egin dezakeen pentsatzen duena”, defendatzen du Martin Varelak, Trilema Fundazioko zuzendariordeak.

EBI, hain zuzen ere, hezkuntza fundazio honekin lanean ari da etengabeko hobekuntza prozesua lortzeko. Eredu honi esker, hezkuntza taldeak irakaslearen lanaren jarraipena egiten du, haren lana ebaluatzen du eta, batez ere, laguntza ematen du. Horrela, coaching edo tutorien bidez, irakasleen lana aztertuko da hobekuntzak sartzeko.

Eta horrek guztiak emaitzak ematen ditu. Ikasleak motibatuta ikasten du eta bere hezkuntza prozesuan hausnartzeko eta kritikoa izateko gai da.