San Felix Ikastolak Poloniako, Turkiako, Lituaniako eta Portugaleko ikasleak hartuko dauz aste oso batez. Gure Ikastolan hiru urteko elkarlanari itxiera emango deutsagu. Denbora tarte horretan, erasmus-trukean parte hartu daben ikasleak San Felix Ikastolak diseinatutako Pick Up STEAM proiektuan aritu dira europako eskola desberdinetan burubelarri.
Astean honetan zehar, San Felix Ikastolako ikasleek aukera izango dabe nazioarteko ikaskideekaz gure nortasuna, ohiturak eta bizimodua partekatzeko. Polonia, Turkia, Lituania eta Portugalgo ikasleak gogotsu iritsi dira Ortuellara, San Felix Ikastolako eskola-bizitzan murgiltzeko irrikaz. Egonalda borobiltzeko eta esperiantzia are gehieago aberasteko, gure familien prestutasunari esker nazioarteko ikasleak gure familien etxeetan biziko dira datozen egunetan.
San Felix Ikastolako irakasle-taldea ere gogotsu dago Erasmuseko ikasleen etorrerarekin, aukera paregabea baita ezagutzak eta esperientziak trukatzeko. San Felixeko hezkuntza komunitate osoak aukera izango dau nazioarteko ikaskideengandik ikasteko, hizkuntza-trebetasunak hobetzeko eta kultura eta ikuspegi desberdinak ezagutzeko. Erasmus truke hau San Felix Ikastolak nazioarteko hezkuntzarekin eta hezkuntza-esperientzia aberasgarrien sustapenarekin dauan konpromisoaren lekuko da.
