EBI sareko hainbat ikastetxetako ikasleek Spelling Bee lehiaketetan parte hartu dabe. Ingelesezko letreiatze-lehiaketa horrek hizkuntza modu dinamikoan eta motibagarrian ikastea sustatzen dau.

Ekimen honetan, Berakruz Ikastola, San Fidel Ikastola, La Inmaculada ikastetxea eta Begoñazpi Ikastolako ikasleek hartu dabe parte, eta euren hizkuntza-trebetasuna, kontzentrazioa eta txapelketan gainditzeko gaitasuna erakutsi dabe.

Spelling Bee-k hiztegia, ahoskera eta ingelesaren erabilerarekiko konfiantza lantzea ahalbidetzen dau ingurune ludiko eta parte-hartzaile batean, eta, gainera, ahalegina, errespetua eta laguntasuna lako balioak sustatzen dauz.

Horrelako ekimenakaz, EBIko ikastetxeek indartu egiten dabe hizkuntzak ikastearen aldeko apustua, bai eta ikasleen parte-hartzea eta garapen integrala bultzatzen daben metodologia aktiboen aldekoa be.