Euskeraren Eguna dala eta, hainbat ikastetxetako ikasleek euskeraren balioa nabarmentzeko eta eguneroko bizitzan euskeraren erabilera sustatzeko hainbat jardueratan parte hartu eben. Ospakizun horretan Artxandape Ikastolako, Otxarkoaga Ikastetxeko, San Felix Ikastolako eta San Viator Ikastetxeko ikasleek hartu eben parte, beste batzuen artean, eta gure hizkuntzaren inguruko hezkuntza- eta kultura-ekimenez betetako jardunaldi batez gozatu eben.
Egindako jardueretan, ikastetxe eta ikastolek euskera sustatzeko daben konpromisoa islatu zan, bai eta ikasleek euskera ikasten eta zabaltzen daben inplikazinoa be. Topaketa eta ospakizun partekaturako gune bihurtu eben jardunaldia.
Era berean, EBI Eusko Jaurlaritzak Ajuria Enean Euskararen Egunagaitik antolatutako ekitaldi instituzinonalera joan zan. Ekitaldiak hainbat alorretako ordezkariak bildu ebazan, euskerak gure nortasunaren eta gizarte-kohesioaren funtsezko elementu gisa dauan balioa berresteko.
EBIk oso positibotzat jotzen dau horrelako ekimenetan parte hartzea, bai hezkuntzan, bai erakundeetan, eta euskeraren erabilera gizarteko esparru guztietan sustatzeko eta normalizatzeko konpromisoa berresten dau.
