EBI Taldeko ikastetxeek hainbat jarduera antolatu ebezan Azaroaren 25ean, Emakumearen aurkako Indarkeria Desagerrarazteko Nazioarteko Egunean, hezkidetzagaz eta espazio seguru, parekide eta indarkeriarik gabeko eraikitzeagaz daben konpromisoa berretsiz. Aldi berean, Elizbarrutiko ikastetxeetako arduraduna dan Nerea Begoñak, Bilboko Elizbarrutia ordezkatu eban Udalak Campos Eliseos Antzokian antolatutako ekitaldi instituzionalean.

Jardunaldian zehar hezkuntza-etapa bakoitzari egokitutako dinamikak garatu ebezan: irakurketa partekatuak, harreman osasuntsuei buruzko tailerrak, horma-irudi kolaboratiboak, tutoretzako hausnarketak eta indarkeria jasan daben emakumeak ikusarazteko une sinbolikoak. Ekintza horiek, EBIren balioak eta pedagogia oinarri hartuta landutakoak, prebentzioan eta hezkuntza emozionalean jartzen dabe fokua, aldaketa sozialerako funtsezko tresna gisa.

Ekitaldi instituzionala amaitzeko, panel komunitario bat sortu zan, eta erakunde bakoitzak hitz bat eman eban. Elizbarrutiak ‘Itxaropena’ jarri eban kristau alkarteak indarkeriaren biktima diran emakumeei eskaintzen deutsien laguntzari lotutako terminoa, Caritas Bizkaia bezalako erakundeen bitartez.