Liburuaren Eguna dala eta, EBI sareko ikastola eta ikastetxeek hainbat jarduera antolatu dabez irakurzaletasuna sustatzeko eta literatura etapa guztietako ikasleei hurbiltzeko.

Jardunaldian zehar, ikastetxeek askotariko proposamenak garatu dabez: irakurketa partekatuak eta ipuin kontalariak, sormen tailerrak eta liburu eta egileen inguruko literatur gomendioa. Horreek guztiek helburu komun bat dabe: irakurtzeko interesa piztea eta pentsamendu kritikoa eta irudimena sustatzea.

Ospakizun honegaz, EBIko ikastola eta ikastetxeek hezkuntza integralagaz daben konpromisoa indartzen dabe, non irakurketa ikaskuntzarako, sormenerako eta garapen pertsonalerako funtsezko tresna bihurtzen dan.