Elizbarrutiko Ikastetxeak sarean hezkuntza edukiak irakastetik haratago doan zeozer lez ulertzen dogu. Guretzat, heztea persona bakoitzari hurbiletik laguntzea da, gaur zaintzea eta biharko prestatzea. Bakoitzak ekartzen dauazan istorioak ezagutzen doguz, une zailetan eusten doguz eta hazkunde pertsonalean eta kolektiboan laguntzen dogu.
Bilboko Elizbarrutiaren parte garenez, gure hezkuntza proiektua gizarte justiziaren, giza duintasunaren eta guztion ongizatearen alde lan egitera bultzatzen gaituen kristau baloreetan oinarritzen da. Bazterketaren eta bazterketaren kulturari ezezko borobila esaten deutsagu. Arreta berezia jartzen dogu zaurgarritasun-egoeretan, inor atzean ez geratzea gura dogulako. Harrera, inklusioa eta aniztasunarekiko errespetua gara gu.
Gure ustez, heztea gizarte- eta ingurumen-erantzukizuna hartzea be bada. Pentsamendu kritikoa daben pertsonak prestatu gura doguz, aktiboki parte hartuko dabenak eta herritar gisa daben eginkizunaz jaubetuko diranak. Inguruneagaz konprometituta dagozan pertsonak eta mundu bidezkoagoa eta solidarioagoa eraikitzeko konpromisoa dabenak.
Alkarlanean aritzen gara: irakasleak, ikasleak, familiak eta ikastetxeetako langileak, danak batera. Izan be, ez dogu arrakasta indibiduala bakarrik bilatzen, guztion artean gizarte gizatiarragoa, kontzienteagoa eta itxaropentsuagoa eraikitzea baizik.