Ohitura zaharra dan jaiak Elizbarrutiko Ikastetxeetan emoten dan hezkuntzaren ardatzetako bi batzen ditu
Elizbarrutiko Ikastetxe desberdinek Agate Deunaren bezperaren ospakizunean, Euskal Herriko jaietako polit eta sendoenetako ospakizunean, dena emon dabe. Honela gure ikasleetako askok deunari abestearen ohitura betetzen dabe, bai ikastetxeetan eta bai hiri eta herrietako kaleetatik. Euskal kulturan murgiltzen dira, Bilboko Gotzaingotzaren sareko ikastetxeak sustatzen daben moduan.
Euskal kulturaren sustapena hezkuntza ardatzetako bat da Elizbarrutiko Ikastetxeetan. Ikasgeletan egunez egun lantzen da eta honelako ospakizun berezietan gizarteagaz banatzen da. Milaka familia, auzokide, lagun eta herritarrek, ikasleek abestuko dabezan “Aintzaldun Agate Deunaren” bertsio desberdinez gozatu ahal izango dabe.
Hala be, Agate Deunaren bezperako ospakizunak badauka baita izaera solidario bat be. Elizbarrutiko Ikastetxeek lantzen daben beste ardatzetako bat. Ikasleen abesbatzak egingo dabezan urteeretan kausa solidario desberdinetarako batuko dabe dirua. Honeen artean, Manos Unidas edo Caritasen haur programetako batzuk.
Ikasleek, gainera, entsegu asko egin dabez azken asteetan zehar, ospakizun honetan inplikatzeko konpromisoa sendotzen dauana. Honela, eguraldi txarrari aurre egiteko alkartasunean eta gure kulturan.
Patronato Santa Eulalia
Iparragirre Ikastola
